عذراً فلسطين فالأمة مشغولة

السلام عليكم ورحمة الله وبركاته

(عذرا فلسطين فالأمة مشغولة )

في مشهدٍ أقرب ما يكون للخيال
شاهد ملايين البشر في جميع أنحاءالعالم
الصور التي تلقفتها وسائل الإعلام
للأطفال والنساء ذوي الدماء
كما أننا نرى هذه الأيام المجازر كل يوم على غزة المحتلة
ونرى الأطفال والنساء الشهداء والجرحى
يوم بعد يوم ..
وها هي الاخبااار التي تعمل مايقارب 24 ساعة للنقل ما يحدث
من قتل .. ومن تدمير ..و من قصف
ومن .. ومن ... ومن !!! الى متى ....!!!

شباب المسلمين لا يحترقون للأطفال الشهداء
والجرحى الذين تتناثر أشلاؤهم
فإذا بكوا ونظروا إلى المسلمين إلى أمة المليار ..
لردوا عليهم
فقالوا !!!
عذراً اطفالنا فإننا مشغولون
عذراً يا أبناء فلسطين يا منتذودون عن مسجدنا ..
عن أول قبلتنا ..عن رمز كرامتنا ..عذراً فإننا مشغولون ..
عذراً يا أبناء العراق .. وأفغانستان .. و كشمير وبعض بلاد المسلمين المنسية
عذراً .. فإن شباب الأمة مشغولون ..

مشغولون بمَ ؟!!!
مشغولون بكأس العالم ..!!
مشغولون بمَ ؟!!!
بستار أكاديمي ..!!
مشغولون بمَ ؟!!
بالرقص والحفلات ..!!
مشغولون بمَ ؟!!!

ب sms لحبيبته أو مغنيته المفضلة ..!!
منشغلون بهز يا نواعم .... الله واكبر ياناس
منشغلون برنامج بابارادزي اصله بيعرض فضايح ممثلين
منشغلين تامر حسني نزل ايه
منشغلين بامينه شلبايه واخر صيحات الموضه والمكياج
وطنش ياعم صيحات الاطفال من الجوع والجروح وحرقه القلب على اب او ابن او شاب مات من غير ذنب
ويوم منحب نتكلم نتكلم طب وماله بس بصوت واطي عشان الحيطان ليها ودان
احنا بره الحكايه محدش مننا بيموت برصاصه غدر ولا يموت من كرامته الي ضاعت وهو بيشوف اخته امه مراته بنته
بتغتصب من غبي جاهل حقير وهو واقف مش قادر يبص من كتر الدموع
بس اعرفو حاجه يا مصريين يا ساكتين يا خايفين اه خايفين كلنا خايفين وكلنا مورانيش غير بطونا وازاي نملاها ومنسيبش مكان فيها فاضي
كان بيضرب بينا المثل بالجدعنه
دلوقتي الجدعنه بقت قدام بنت عشان اعجبها والفت نظرها صح ولا غلط والي عنده الجرئه يرد
خلو بالكم احنا برضو بنموت وبنموت بالبظيء يعني موت عذاب
هنجوع وهنتشرد وهنشوف ايام زي الطين انشا الله
كل حاجه بتغلى والي مش بيغلى بقل زي مثلا ده على سبيل المثال زبادي جهينه الي في اطفال كتير بتاكله
واحنا قاعديين ساكتين
نطلع الصبح من الفجر
4 سعات قدام الفرن
وكمان 4 سعات قدام الجمعيه بطابور عمره ما هيخلص عشان اجيب حاجه رخيصه بس ايه الفايده وهي مضروبه
كده 8 ساعات وساعتين في السوق افاصل في كيلو طماطم
كده 10 ساعات اليوم خلص رجعت البيت مهدود حيلك
ضاع اليوم وخلص واحنا بنفكر ببطننا ها بطننا واخدين بالكم
وناسين اطفال مش لاقيه حته تنام عليه
فلسطين فلسطين ياجدعان عارفين يعني ايه
الحكايه مش حكايه ارض ولا حاجه
الحكايه حكايه محمد الدره الشيخ ياسين عبد العزيز الرنتيسي ياسر عرفات
بطلو بقى تقولو يلا نفسي بطل تقول ياروح مابعدك روح
بطل تقول جعااااااان
بطل تقول عيشني النهرده وموتني بكره
بطل تقول حجات كتير..........
قول كرامتي مره واحده
قول ديني
قول رسولي
قول كتابي
قول هقابل ربنا ازاي من غير كرامه
وفكرو زي ما اغلبيه الناس بتفكر
اطول دقني واقصر الجلابيه وامسك سواك وسيبش الجامع
بكده ربنا بقى بيحبني
لالالا يا حبيبي انه بتضحك على نفسك
ده من اركان الاسلام الجهاد في سبيل الله
ومش بنقول متصليش ومتقصرش ومطولش اللحيه لا ومحدش يفهمنا غلط
بس بنقول خلي عندك دم شويه
ونفذ ركن من اركان الاسلام الي هو واجب عليك
جاهد بصوتك بقلمك
بجسمك بروحك المهم تعمل حاجه
كلامي خلص
بس القضيه مخلصتش
والطفل الي مش لاقي ينام في غزة ولا لاقي ياكل يبقو 2
والراجل الي يشوف بيته بيغتصب من واحد المغتصب هيبقو 100
وهزي يا نواعم في بنات بترقص وفي حتت مستوره ب ال smsبتاعتنا الحته المستوره مش هتبقى مستوره
مهم شافو الحكايه عجبتنا
وقزازه الزيت الي بقت ب 11 ونص هتبقى بعشرين
ومش هيلاقي ياكل غير الحرامي وهيجو لانه مش هيلاقي حته يسرق منها
ومدرس الي بيدي دروس خصوصيه
ولو في دولتين بيشتمو سيدنا محمد عليه الصلاه والسلام الدنمارك والسويد
هتبقى اوربا كلها مهم برضو شافونا ساكتي
والمصحف الي اتقطع في حمام سجن جوانتنامو هيتعمل قراطيص لب استغفر الله العظيم
الكلام حلو وكتير وزي البغبغانات في الكلام
بس يا ترا هنعمل حاجه
في مواضيع كتير اتكلمت عن فلسطين وعن الغلاء الفاحش في مصر وعن العراق
بس لو اتكرر يبقى عشان نفتكر ونزن على الودن لاننا عارفين انه امر من السحر

يلا سلام عليكم
ومش عاوز الموضوع يعجبكم
*عاوز يثيركم *

منقول